Þýska HM-hugmyndinafræðin af ,,karlapössun" nú á Íslandi...

Hugmyndin af þessari þjónustu/óþjónustu má eflaust rekja til Þýskalands. En ég man einmitt eftir því að það var verslunarmiðstöð í Þýskalandi sem kom slíkir ,,pössun" af stað þegar HM í fótbolta var þar í landi. Þar gátu konur komið með karlana sína og borgað 10 evrur fyrir þá. Innifalið í þessu ,,pössunargjaldi" voru 2 bjórar fyrir þá til að svolgra niður með boltanum.
En ekki man ég eftir að hafa lesið neitt um þetta eftir á, þ.e.a.s. hvernig þetta hafi tekist til með uppátækið og hvort þetta sé enn við liði þar í landi.
Gæti verið að einhver frá Hagkaupum hafi verið þarna úti í verslunarleiðangri og rekið augun í þessa þjónustu eða bara heyrt af henni og ákveðið að prófa hana að hluta, þá án bjórsins, á Íslandi?

Alla vegna þá er ég alveg sammála öðrum hérna með að þetta er frekar undarleg og gamaldags kynjaskipting, hvort sem hugmyndin er annastaðar frá eða ekki. Er þetta kannski bara nýtt hjá Hagkaupum til að fá nafn sitt nefnt á Alþingi? Ætli næsta fyrirspurn ákveðna kvenna þar verði ekki um lagasetningu á að pössun skal vera kynjalaus? Nei ég bara spyr...  

Pabbar í pössun í Hagkaupum

Ekki lækka... haldið áfram að refsa fólki fyrir dugnað... Hvar er röksemdin í því?

Eins og ég skil eru ekki allir sammála því að það sé rétt að lækka toppskattinn, þ.e.a.s. hátekjuskattinn eins og hann heitir á íslenskri tungu en ekki ,,topskat" eins og á dönsku. Sem sagt þið eruð þá á þeirri skoðun að Danir eigi að halda áfram að refsa fólki fyrir að vilja vinna yfirvinnu og stuðla að vexti þjóðfélagsins? 

Þótt svo að Danir séu að tala um að fella niður hátekjuskattinn þá eru þeir ekkert að fara að létta neitt fyrir hvað varðar t.d. eignarhald. Þar sem t.d. eignaskatturinn á eiginhúsnæði verður ekki hreyft, þessum skatti var einmitt aflétt á Íslandi fyrir nokkrum árum.

Málið er að hátekjuskatturinn í DK er bæði með lægri mörk og hærri % ef við lítum t.d. á þann íslenska. (DK mörkin eru um ca. 315 þús ísk heildarlaun á mánuði miða við meðalgengi og er 15% á meðan á Íslandi eru mörkin 350 þús ísk á mánuði og er aðeins 4%).

Þetta er ekki afléttun fyrir ríka fólkið, heldur er þetta refsing fyrir þá sem vilja vera duglegir og vilja vinna yfirvinnu, þar sem þeir eru skattaðir með 67%  á hverja krónu sem þeir þéna yfir mörkin. Ekki beint hvattningarvert að vera duglegur í DK. Það skiptir voða litlu fyrir ríka fólkið með þennan skatt því það hefur oft t.d. færi á að skrifa bara fríðindi á fyrirtækin í staðinn. Það kemur nefnilega bara út á eitt hjá þeim, þ.e.a.s. hvort það sjálft hafi keypti t.d. dýra bílinn eða hann sé ,,fríðindi", sem er reyndar hagkvæmara, og þar af leiðandi ekki persónan sjálf sem þarf að borga hátekjuskatt af launum sínum til að þéna fyrir honum og borga svo skatta af bílnum heldur fer þetta inn í fyrirtækjareikninginn sem síðan jafnar skattinn út annarstaðar. Svo... hvað eru þeir ríku að græða með fellingunni á skattnum? Þið sem eruð á móti þessum afléttingum á hátekjuskattinum.

Eins og margir nefna oft þá ætti frekar að halda þessum hátekjuskatti en gera eitthvað fyrir hina sem eru tekjuminni. Málið er að eins og kerfið er í dag, letjandi fyrir yfirvinnu, þá gefst ekki mikið svigrúm fyrir t.d. að gera betur fyrir alla með því að hækka eins og persónuafsláttinn. En það myndi frekar gefa öllum meira svigrúm á milli handanna og þar af leiðandi, í stærsta hlutfalli, þeim sem eru tekjuminni og með fellingu hátekjuskattsins yrði það meira hvetjandi fyrir hin almenna borgara að vinna meira en t.d. að halda sig við þessa 37 tíma vinnuviku eins og er í DK.

Einnig með lækkun á hátekjuskattinum ætti DK meiri möguleika að draga til sín ekki bara erlend menntað fólk, til að stuðla að meiri vexti á landframleiðsluna sína, heldur líka til að halda í sitt eigið menntaða fólk sem einmitt flýr landið eftir að hafa menntað sig í DK. Megin ástæðan fyrir því er að því finnst því refsað fyrir að hafa verið duglegt í skóla, þ.e.a.s. engin hvattning fyrir að standa sig áfram vel í starfi.
Þetta er einmitt eitt af því sem er mjög mikilvægt fyrir Dani að halda í því að ein helsta útflutningsvara  Dana er einmitt hugvitið sem er alltaf að verða meira og meira mikilvægara, sjáið t.d. hvað þessi litla þjóð með 5,6 milljónum íbúa er búin að ná langt með Danfoss, Vestas vindmyllurnar, Maersk, Bang & Olufsen, og aðra þætti sem snúa að hönnun. En einnig má geta þess að íslenska útrásin á fjármálamarkaðinum er einmitt byggð á hugviti íslenskra námsmanna sem er nú orðinn stærsti iðnaðurinn á Íslandi.

 

Danskir skattar lækkaðir og kosið um evruna á ný

Hrikalegt mál - ástæðan sögð vera að hann sé ekki heill á geði

Já þetta mál er alveg hrikalegt og hefur einn af helstu sérfræðingunum í  lögreglunni í Köben sagt að hann hafi aldrei séð fórnarlamb jafn illa leikið eins og þessa stúlku. Það eitt hljómar nú alls ekki vel, en þegar hann byrjaði að telja upp nokkur bein dæmi um hvað þessi drengur, sem var ,,kærasti" hennar, gerði við hana kom ælan á manni alveg upp í háls og tár í augun, enda er sumt af því sem sérfræðingurinn taldi upp alltof gróft til að hafa eftir hérna. En þessi 19 ára gamli strákur byrjaði að beita stúlkuna ofbeldi fyrir ári síðan, en síðustu þrjá mánuði hefur hann aukið það alveg rosalega. Hann var með heljartak á henni og sagði við ,,kærustuna" sína að ef hún segði nokkrum manni frá þessu myndi hann deyða fjölskyldu hennar. En eitt af því sem þessi stúlka mátti heldur ekki var að hitta móður hans, ástæðan var af trúarlegum ástæðum þar sem stúlkan er kristinn. En fréttaflutningur af þessu hefur sagt að þessi drengur eigi ættir sínar að rekja til Líbanon. 

Ástæðan fyrir þessu ofbeldi er talin vera sú að þessi drengur eigi við geðraskanir að stríða og er búið að setja hann í 4 vikna gæsluvarðhald og geðrannsókn. Hann hefur sjálfur neitað að hafa lokað hana inni en játaði því að hafa beitt þessa stúlku ofbeldi.

Eldri bróðir þessa drengs hefur játað því að bróðir hans eigi við andlega erfiðleika að stríða en neitar því að fjölskyldan hafi vitað nokkuð um þessa hrottalegu meðferð á stúlkunni.

Alveg sama hver vissi af þessu eða ekki, þá er þetta alveg hrikalegt mál!

Piltur handtekinn í Danmörku fyrir að halda stúlku fanginni

Frábært ;)

Já þetta eru frábær úrslit enda er þessi plata hjá Sigur Rós, Ágætis byrjun, hrein snild.

Ágætis byrjun er besta íslenska platan

Íslenskar líka...

Já ef norsku takmarkanirnar eru undir smásjánni hjá EFTA (ESA) eiga þær íslensku ekki líka heima þar?

Ég átt einmitt viðræður við nokkra Svíja um helgina sem sögðu mér að innflutningur á persónulegu magni af áfengi til Svíþjóðar stæði og félli með því að þú gætir sannfært starfsmennina í tollinum um að það sem þú kæmir með inn í landið væri einnungis til einkanota en ekki til áframhaldandi sölu. Tóku þeir dæmi um að þetta væri hið besta mál eins og fyrir brúðkaup og slíkar veislur, þar sem innflutningurinn væri hreinlega einkanot. En hér í Danaveldinu minnir mig að magnið sé um 300 lítrar af léttu og svo eitthvað mun minna fyrir það sterka.

Mæli með að Ísland fari að verða skoðað álíka og Noregur í þessum málum...

Kveðjur frá DK

Norskar takmarkanir á áfengisinnflutningi brot gegn EES-samningi