Frábært!

Já ég er alveg sammála þessu að það þurfi að aðeins að lífga uppá hugarfar landans hvað varðar flutninga á landi. Þið sem eruð á móti þessu eruð sennilega alveg hrikalega hneyksluð á þessari skoðun minni, en málið var að ég var nú ekki beint meðfallin þessu og fannst ekki mikið til flutningabíla koma. Enda ekkert nema nánast viðriðni á veginum, sem tóku allt of mikið pláss, hægðu á umferðinni og allt í þeim dúr. En það var svo í fyrra að ég fékk far með slíku faratæki frá höfuðborgarsvæðinu, norður í land og aftur tilbaka. Á þeim tíma fræddist ég heil mikið um þessa starfsemi og sá hversu svívirðislegir bílstjórar á einkabílum sínum áttu allan heiminn og flautuðu í gríð og erg á flutningarbílstjórann bara fyrir það eitt að hann var að vinna vinnuna sína og keyra um á löglegum hraða. Enda eru flestir þessar bíla með stillt á mig minnir 93 km hraða og komast ekki upp fyrir það, nema að láta bílanna renna í brekkum. Mér varð svo mikið í mun að ég var hreinlega að velta því fyrir mér hversvegna enginn af þessum sjónvarpsþáttum, líkt og Kompás, tæki sér nú ekki eins og eina, tvær ferðir og tæki upp það sem fyrirber, því það er alveg ótrúleg sjón að sjá þetta svona frá öðru sjónarhorni. Enda er ég full viss um að miða við mína reynslu að ferð fram og tilbaka með slíku faratæki væri alveg efni í heilan þátt um umferðarmenningu landans á þjóðveginum.

Hvað varðar vörur og þjónustu, þá hef ég tekið eftir því að fólk er að spyrja sig afhverju eru flutningar um landið svona nauðsynlegt núna, af hverju ekki bara sjóflutninga eða alla vegna minnkunn á þessum flutning, eins og var í ,,gamla daga". Ja... ég veit ekki alveg hvernig fólk er að hugsa málin til enda með þessum skoðunum sínum, þar sem vandamál landans er tengdur þeirri þörf markaðarins að fá allt helst í gær! já við sem neytendur kaupum miklu meira en í ,,gamla daga" (og reyndar á Ísland heimsmetið í neyslu pr. höfðatölu) og látum ekki segja okkur til um að þurfa að bíða eftir vörunum okkar sem við vildum fá í gær, þrátt fyrir að hafa farið út í búð í dag til að kaupa þær. Vandamálið liggur í því að við getum ekki alltaf krafist alls án þess að taka á okkur afleiðingarnar sem fylgja með því. Þetta er bara hrein markaðsfræði um framboð og eftirspurn sem spilar hérna inni og ef við ættum að taka upp sjóflutninga, humm... fengjum við ekki þjónustuna eins og við erum vön í dag, og hvað myndi þá gerast?

Önnur ástæða fyrir hvers vegna við ættum að kíkja aðeins betur á þetta dæmi, þá eru það flutningarbílarnir sem borga skatta líkt og við hin við að keyra þjóðveginn, en ein flutningarbíll slítur auðvitað meira en einn fólksbíll en borgar líka í samræmi, og reyndar hlutfallslega mun meira en við hin, í kassann. Hvað fáum við sem almenningur út úr því? Ja... það er verið að endurnýja þjóðveginn og slíkt, og alltaf verið að reyna að betrum bæta fyrir þá fjármuni sem koma inn í kassann... Er það ekki bara líka jákvætt fyrir okkur hin? Eða vildum við bara ennþá hafa hluta af hringveginnum enn með malarvegi?

Já eftir þessa ferð mína þá gróf ég betur í þessu máli og fann þetta út, að fyrrum fáviska mín á þessu sviði var aumkunarverð þegar ég vissi ekki þær staðreyndir um þessa flutninga líkt og ég geri í dag.

Annar punktur í þessu máli, hvað er að því að fá hraðan lækkaðan niður á þjóðveginum í löglegan hraða? Erum við ekki alltof oft að heyra um hræðinleg slys vegna ofsaaksturs?

Flutningafyrirtæki minna á sig á þjóðvegum landsins

Athugasemdir

[Siggi (IP-tala skráð) 12.6.2007 kl. 00:43]

Er sammála. er samt ekki að vinna við þetta, tel bara að sjóflutningana ekki hafa lagst af að sjálfum sér, flutningabílarnir hafa verið á ferðini alla tíð og á endanum var það þörfinn, aukin hraði og markaðir fyrir ferskum fiski með flugi sem kom strandsiglingunum um koll, þar að auki stoppa skipin ekki í hverju þorpi, fólkið hér á hofuðborgarsvæðinu á líka auðvelt með að gleyma að það er líka til fólk annarstaðar á landinu, og það fólk þarf líka á ferskum matvælum og öðrum vörum að halda

[Berglind, 12.6.2007 kl. 08:49]

Já og hvað myndu höfuðborgarbúarnir segja ef þeir fengju heldur ekki ferskan fisk á sinn disk eða gætu ekki keypt sinn Víking í Ríkinu fyrir helgina af því að skipið var svo lengi á leiðinni.

Það er ekki bara að fólk á landsbyggðinni vanti vörur til sín, heldur eru þessir flutningar líka að stórum hluta fyrir borgarbúa. Það væri nú gaman að sjá svörin þeirra sem eru á móti þessum flutningum við spurningunni hvaðan kemur t.d. mjólkinn, grænmetið, fiskurinn og kjötið? Ætli einhver svari eins og sex ára gutti sagði einu sinni, ja... auðvitað úr pakkningunum sem maður kaupir í búðinni.

Æi... mér finnst fólk ekki alltaf pæla í hvernig hlutirnir eru tengdir, heldur aðeins á forsíðuna sem snýr að þeim á meðan þetta fólk þjöstnast á að baktala alla þá starfsemi sem liggur á bakvið að fá hlutina eins og það vill til sín á réttum tíma.