Hærri upphæðir í DK en Noregi...

Til þess að gerast viðskiptavinur hjá Kaupþing í DK, þ.e.a.s. til að eiga einstaklings viðskipti, vill bankinn bara opna reikning fyrir lágmarksupphæðina 50.000 DK (tæp 800.000 ISK miða við gengið í dag) og bjóða þá reyndar líka aðeins hærri vexti en þessi 0,3% sem nefnd eru hér.

http://www.fih.dk/privat/

Kaupþing í Noregi hvetur viðskiptavini til að leggja meira inn

Tíminn til að setjast á skólabekkinn...

Það eru svo margir sem tala um að þeim dreymi um að setjast aftur á skólabekkinn og bæta við sig þekkingu, en hafa aldrei tíma til þess. Er bara ekki verið að koma færandi hendi með tíma til þess núna? Enda um fjölbreytilegt val í háskólunum landsins að velja úr og þeir sem ekki vilja hætta vinna en bæta stöðu sína einmitt innan banka- og fjármálageiranum er þá ekki sniðugt að læra nám sem einmitt er ætlað til þess?

Alla vegna þá ætla ég að nota aðstöðu mína hérna og segja ykkur smá hérna um kosti eins náms sem ég svotil fór inn í tja... fyrir tilviljun og ekki tilviljun...

Alla vegna hef ég verið með annan fótinn á landinu í íslenskum skóla (eða já... meira í gegnum tölvuna en á landinu) einmitt í þessum fræðum og hefur það einmitt verið ótrúlega spennandi og skemmtilegt að fylgjast með þessu öllu saman og læra á sama tíma og hlutirnir eru að gerast.... fyrir ykkur sem hafa áhuga á að kíkja meira á þetta þá er linkur að þessu hérna http://www.bifrost.is/default.asp?sid_id=25897&tre_rod=003|004|002|&tId=1 ;) En þarna koma kennarar frá mörgum áttum eins og fræga bankanum Bear Strearns, prófessorar frá NY og Edinborg, sem og fleiri.

Og þetta er ekki bara fyrir eitthvað bankafólk, líka þeim sem hafa almennt áhuga á að kíkja á fjármál og þetta er ekki bara eitthvað karlaveldi þarna, við erum nokkrar stelpurnar líka í þessu  ;)

Kveðjur frá DK ;)

Bankastarfsmenn uggandi

Hreint og beint æðislegt! ...og stráksi ánægður með lögguna ;)

Takk kæri Guð og Lögreglan á Norður Sjálandi sem og aðrir sem komu að málinu, svo að drengurinn fannst!

Þetta er ekkert nema hreinar og beinar æðislegar fréttir fyrir alla sem hafa verið í þessu, tengdir þessu og einnig þá sem hafa bara verið að fylgjast með þessu hræðilega máli. Töluðu fréttamenn um það að það væri ekki bara þungu fargi létt af fjölskyldunni heldur voru fagnaðar óp hjá lögreglunni, enda þetta mál búið að vera þungur baggi fyrir alla aðila.

Það en það allra nýjasta í málinu á þessari stundu er að Oliver er búinn að hitta fjölskylduna sína við mikinn fögnuð. En lögreglan sá til þess að almenningur viti ekki hvar fjölskyldusamkoman er, enda mjög mikilvægt að þau fái sem best róg og næði í burtu frá fjölmiðlum og slíku. En hann mun hafa verið í allskonar rannsóknir til þess að lögreglan geti verið fullviss um að hann sé alveg heill á húfi og ekkert hafi komið fyrir hann eða verið gert honum.

Nú í tíu fréttunum hjá TV2 News (sem sagt klukkan átta heima á Ísl.) var viðtal við afa stráksins og sagði hann frá samtalinu sínu við Oliver, sem þá beið á lögreglustöðinni. Strákurinn sagði: ,,afi! löggan gaf mér kók (kola)" og svarði afinn þá hversu heppinn hann væri  Svo stráksi var sko ánægður með lögguna
En það var alveg æðislegt og frábært að sjá þetta stutta viðtal við afann, því ef fólk getur brosað allan hringinn þá var afinn að brosa þrjá hringi  Hann var auðvita ótrúlega glaður og hlakkaði svo mikið til að fá að hitta og faðma afabarnið sitt eftir rúman klukkutíma. Hann þakkaði öllum málsaðilum fyrir frábær störf og var undrandi en hæst ánægður með hvað þetta tók stuttan tíma fyrir löggæsluvaldið að endurheimta litla strákinn hans.

Vá!!! hvað þetta er frábært með hversu góðan endir þetta hræðilega mál fékk í kvöld ;) 

Danski drengurinn fundinn

Önnur mynd af honum Oliver...

Hérna er önnur mynd af litla stráknum honum Oliver, sem var rændur, og birt er á heimasíðu TV2. En miða við lýsinguna þá ætti þetta einmitt að vera fötin sem hann var í þegar honum var rænt.

Þetta er alveg hræðilegt mál, og ógnvekjandi hvað virðist vera að gera í fjölskyldum tengdum við kínverskuveitingarstaðina hérna. En þetta kom ekki fram í gærkveldi þegar farið var yfir þau mannrán sem hafa átt sér stað hér í DK.

En aðeins fleiri upplýsingar um málið, skrifaði ég í morgun við aðra færslu hjá mér sem heitir ,,Enn ekkert lífsmark..."

Ég vona svo innilega að þessi litli drengur fái að koma heim í faðm fjölskyldu sinnar sem allra fyrst og óhultur. En því miður veit maður aldrei neitt hvernig svona málum getur lyktað.... 

 

 

Tárin farin smá að byrja að sýna sig...

Ég get tekið undir þetta allt saman hérna í þessari grein. Þetta er alls ekkert grín að hafa þennan kvilla og er ég ein af þessum aðilum sem á við þetta vandamál að etja .

Það virðist ekki skipta máli hversu vel ég er undirbúin fyrir prófin, alltaf þarf ég að fá þessi kvíðaköst í upplestri fyrir þau sem og versta er ástandið þegar prófin sjálf eru í gangi. Ringulreið ríkir hjá mér og alltaf fyrsta hálftímann til fyrsta klukkutímann tekur það mig til að ná andardrættinum aftur rétt og ná stjórn á huganum, að þetta sé ekkert mál. Enda engan veginn vaninn hjá mér að hafa frumlesið námsefnið rétt fyrir próf, eins og sumir gera með svokölluðum ,,páfagaukalærdómi" og þar afleiðandi stressast sumir þeirra upp í prófum. Þetta stafar engann veginn útaf því að ég geti ekki svarað efninu, heldur er það pressan um tímamörkin til að átta sig á hvað sé verið að biðja um, sem setur allt í skorður hjá mér. Ég er nefnilega alltaf hrædd um að misskilja fyrirmælin á prófinu. Enda hjálpar það mér engan veginn að vera bæði greind með væga lesblindu og hafa þennan kvilla. En ég fæ aðeins lengri tíma í prófum vegna lesblindunar, sem hjálpar mér ótrúlega mikið. Því annars væri ég ekki að ná þeim árangri sem ég hef verið að ná í skóla. En það sérst líka á einkunnum mínum að þar sem ég hef fengið ágætan tíma til að setjast niður í róg og næði til úrlausnar á verkefnum hafa einkunninar staðfest að hér sé um annað að ræða en hreina ,,heimsku" hjá mér varðandi úrlausnir á prófum.

Hvað varðar svona prófkvíðanámskeið þá hef ég sótt nokkur slík námskeið, en því miður hjálpa þau manni bara upp að vissu marki.

Þetta gerir það að verkum að ég er farin að hafa stórar áhyggjur af prófunum sem ég á að þreyta í háskólanum eftir 3 vikur. En formið sem er á þessari önn hjá mér núna er ekki það form sem ég hef verið vön að hafa s.l. 7 ár í skóla. Þ.e.a.s. nú verða 3 próf á 4 dögum, en fyrir mér er það stór ávísun á bæði andlegan og líkamlegan kvíða og vanlíðan, enda hef ég vanist því formi á s.l. árum að hafa minnsta kosti viku á milli prófa, bara svo að maður nái heilsu á milli átaka. Þess vegna eru tárin farin smá að byrja að sýna sig fyrir törnina sem verður í byrjun maí.

Humm... jæja eins gott að halda áfram að læra enda ekki nema 19 dagar í próftörnina.

Þjáð af prófkvíða

Enn ekkert lífsmark...

 

Já þetta er alveg hræðileg frétt af þessum litla dreng

En samkvæmt fréttum hérna í DK í morgun þá hefur enn ekkert heyrst meira um afdrif þessa litla stráks, þ.e.a.s. að ræningarnir hafa hvorki verið í sambandi við fjölskylduna né lögregluna t.d. um fyrirmæli eða heimtingu á lausnarfé eða slíku. Það sem komið er fram að þetta virðist hafa verið mjög skipulagt rán á þessu litla greyi, honum Oliver. Sem er sonur kínveskrahjóna, með danskt ríkisfang og eru eigendur nokkra veitingarstaða í Kaupmannahöfn. Eru fréttamenn hér eru farnir að velta fyrir sé hvort ,,goðsögnin" af kínveskumafínunni ,,Triaden" sé til og eigi hér í hlut, en þetta er ekkert sem lögreglan hefur viljað taka undir, enda segir lögreglan enn vanta vísbendingar um ástæðu (motiv) hvers vegna barnið var stolið. 

Einnig hefur það komið í ljós að númeraplatan sem vitni sáu á bílnum, þ.e.a.s. sáu allt nema bókstafina, er búið að finna í gagnagrunni lögreglunar og um er að ræða stolið númer frá bænum Albertslund. Því er ekki víst að bíllinn sé enn með sömu númer. Fréttamenn hafa líka komið með aðra getgátu að kannski getur barnið verið komið yfir landamærin til Svíþjóðar eða Þýskalands í allt öðrum bíl. Þrátt fyrir mjög hert eftirlit á landamærunum, en vandamálið er að lögreglan er undirmönnuð og hefur því ekki tök á að fá mannskap í vinnu til að stoppa alla bíla sem fara yfir þau .

Þetta er hrikalega sorglegt mál, og eru allir sem hafa tjáð sig um málið alveg hrikalega skellkaðir enda eins og einn viðmælandinn í fréttatíma TV2 News sagði að þetta væri alveg eins og þessi ræningjar hefðu verið að leika í einhverri bíómynd, því þetta er greinilega það vel skipulagt og atburðarrásin fyrir framan leikskólann tók bara nokkur augnablik.

Ég vona svo innilega að þessi litli drengur verði fundinn og hann fái að koma aftur heim í faðm foreldra sinna. En því miður veit maður aldrei fyrirfram hvernig svona hræðilegt mál enda  s.b. málið á síðustu dögum um litu stúlkuna, hana Englu, í Svíþjóð .

 

Ekkert bendir til átaka innan fjölskyldunnar

Ekkert tengt ,,danskri afbrýðissemi" eða að Glitnir sé að fara ,,á hausinn", viðskiptaáætlunin gekk bara ekki í DK á meðan Kaupþingi gengur vel...

Þessa frétt er kannski ekki svo skemmtileg að lesa, sérstaklega þegar við erum búin að heyra að Danir séu nú ekki alltof hrifnir af íslensku bönkunum, líkt og einn starfsmaður hjá Saxo Bank tjáði sig um stöðu Kaupþings við danska viðskiptablaðið Børsen um daginn, sem og aðrar neikvæðar frétti í garð íslensku bankanna, sem og íslensku fyrirtækjanna, berast okkur alltaf annað slagði.

En ég hef nú samt stóran grun um að þetta sé ekki útaf svokallaðri ,,afbrýðissemi Dana í garð Íslendinga" sem Glitnir hefur ákveðið þetta skref hjá sér, né að bankinn sé eitthvað að fara ,,á hausinn". Heldur hef ég grun um að málið snúist um að viðskiptaáætlunin hjá bankanum, til að koma inn á danska markaðinn, hafi hreinlega bara ekki gengið upp.

Hvers vegna segi ég það? Jú málið er að ég persónulega heyrði það hjá Glitnir heima á Íslandi, þegar íslenska útrásin var í góðum gír, að bankinn var ekki sáttur við hversu erfitt það var að reynast fyrir hann að skapa sér markaðsaðstöðu á danska markaðinum, og kannski var bankinn ekki alveg að skilja hvað væri ekki að ganga upp í viðskiptaáætlunni hjá honum. Þetta var jú ekki fyrsti íslenski bankinn á danskri grundu, þar sem Kaupþing var þá þegar kominn inn á markaðinn og gekk, og gengur enn, mjög vel þ.e.a.s. undir nafninu FIH Erhvervsbank. 

Ástæðun tel ég hreinlega liggja í hvaða leið Glitnir valdi sér til að reyna að koma inn á rótgróinn og íhaldsama markaðinn hér ytra, þ.e.a.s. bankinn ákvað að koma beint inn og opna skrifstofu hérna undir eigin nafni og þar afleiðandi varð hann að reyna að heilla fyrirtæki í viðskipti til sín til að byggja upp viðskiptamannalista, traust og annað sem svona viðskiptum verður að fylgja. En málið er að viðskiptamenning (business kultúr) er jú önnur hérna og í raun er bankakefið hérna í Danaveldinu byggt öðruvísi upp heldur enn það íslenska. (Hef persónulega ekki skoðað mismuninn á þessum kerfum en hef þetta eftir starfsmanni Seðlabankanns, sem þekkir aðstæðurnar mjög vel). Málið er að Danir eru mjög íhaldsamir m.a. hvað varðar fjármálin sín, og því ekki eins nýjungagjarnir líkt og við Íslendingar getum oft verið í þeim efnum. Þar af leiðandi hef ég trú á að ástæðan fyrir lokun Glitnis hérna í DK er einfaldlega vegna þess að bankinn náði ekki að festa sig í sessi, og hefur ástand breska bankans Northen Rock, sem er líka nýlegur hérna á danska markaðinum, eflaust ekki hjálpað til að trekja að nýja viðskiptavini. Þar af leiðandi hef ég grun um að þetta lokunar skref hjá Glitni sé ekkert nema hagræðing, til að nýta fjármuni bankans betur á kjarnasviðum bankans, heldur enn að bruðla með þá á markaði sem er ekkert að fara að snúa sér í viðskipti til bankans á næstunni. Sem sagt Glitnir hefur ákveðið að vera ekki að eyða kröftunum sínum hérna lengur, í billi alla vegna, eins og ,,rúpa sem reynir við staurinn".

Hvað varðar velgengi Kaupþings hérna á danska markaðinum, þá tel ég það vera vegna þess að bankinn ákvað að fara allt aðra leið til að komast inn á markaðinn. Málið er að Kaupþing yfirtók danska bankann FIH Erhvervsbank, og ekki man ég persónulega eftir því að sú yfirtaka hafi beint haft mikið pláss í fréttum hérna úti, og þá sérsaklega ekkert í líkingu við yfirtökur og kaup Baugs og Straums-Burðarás hefur verið. Þótt svo að fjármálageirinn sé nú eflaust allur með þetta allt á hreinu. En með þessu strefi Kaupþings tryggði bankinn sér rótgróið fyrirtæki á markaðinum, sem þá þegar hafði byggt upp gott traust, góðan viðskiptamannalista og annað slíkt, sem og var líka með danskt nafn og vinnustaður fjölda Dana. Þar afleiðandi byrjaði Kaupþing ekki á byrjuninni líkt og Glitnir var að reyna að gera á rótgrónnum markaði.

Það má líka geta þess að FIH Erhvervsbank hefur verið mun öflugri að minna á sig, m.a. með auglýsingum bæði í sjónvarpi og á prenti, sem og með örðum hætti, líkt og aðrir bankar sem eru í beinni samkeppi við Kaupþing og Glitnir hérna í DK hafa gert eins og t.d. Danske Bank ofl. Á meðan get ég ekki sagt að maður hafi orðið eins var við að Glitnir hafi verið eins áberandi. En flestir sem kannast við Glitnir tengja fyrirtækið við auglýsinguna um ,,Glitnir Copenhage Marathon". En það eru ekki all margir með það á hreinu hvað þetta fyrirtæki Glitnir er, svo það skiptir eflaust ekki máli... bara gott mál að þeir styrki ,,Copenhagen Marathon" annað virðist ekki skipta eins miklu máli eins og hvaða fyrirtæki er þetta eiginlega... Svo það má segja að danska deildin af Kaupþing hefur verið mun augljósari en Glitnis, og jú maður snýr sé ekki til einhvers sem maður þekkir ekki eða veit ekki um. Er það? 

Glitnir lokar í Kaupmannahöfn

Mbl.is farið að fylla inn í eyðurnar með ,,skáldskap" miða við uppgefnar heimildir...

Ég er mest undrandi á þessari frétt hérna á mbl.is, þar sem ég sjálf er búsett hér í Danaveldinu og mikill fréttafíkill þá fannst mér þessi frétt hérna MJÖG undarleg.
Málið er að mestu leyti er fréttin rétt samkvæmt heimildunum, þ.e.a.s. það sem mbl.is segir að hægt sé að lesa á Jyllands Postens heimasíðu, fyrir utan eina mikilvæga staðhæfinu, það kemur einfaldlega hvergi fram í þessari grein að ástæðan fyrir þessum óeirðum hérna í DK sé útaf endurbirting á teikningunum (http://jp.dk/indland/article1267689.ece). Það eina sem kemur fram, sem eitthvað gæti verið misskilið, er að það höfðu verið mótmæli nokkra óháðra aðila á Norðurbrú gegn kynþáttarfordómum, sem fóru friðsamlega fram. Annars fjallar greinin aðeins um tölfræði og slíkt sem á engan hátt undirstrikar að þetta sé útaf því, sem mbl.is meinar, að sé undirstaða óreiðarinar.

Til að skoða þetta til hlýtar fór ég inn á heimasíðu JP og ákvað að skoða allar þær fréttir af málinu sem ég fann og sjá hvort hérna væri verið að sauma tvær eða fleiri fréttir saman í þessa mbl.is frétt. En það sem ég fann í tengslum við þessa staðhæfingu er eftirfarandi, bæði á dönsku sem og lauslegri þýddri ísl.:

,,,,Men det er sikkert på grund af de der tegninger,” mener en ældre mand i træsko."
,,,,En þetta er örugglega útaf teikningunum" álítur eldri maður í tréskóm."
Heimild: http://jp.dk/indland/article1267951.ece 

”Dette har intet med indvandrernes ballade at gøre, selvom der nok er en vis sympati mellem dem og os. De lusker rundt i små grupper og kaster med sten,” forklarer en af de ældre deltagere."

,,,,Þetta hefur ekkert með innflytjendavandræði að gera, þótt svo að það sé viss samúð á milli okkar og þeirra. Þeir laumast um í smá hópum og kasta steinum" útskýrir einn af eldri þátttakendunum."

Heimild: http://jp.dk/indland/article1267951.ece  

»Hvad laver I her, mand? – skrid ud af Gellerup,« råber drenge, da brandmænd forsøger at slukke en containerbrand tæt på indkøbscentret Bazar Vest på Edwin Rahrs Vej.

 ,,,,Hvað eru þið að gera hérna maður? -hunskist út úr Gellerup" hrópaði drengur, er slökkviliðsmenn reyndu að slökkva eld í gámi sem var nálægur verslunarkjarnanum Bazar Vest á Edwin Rahrs veginum."

Heimild: http://jp.dk/indland/article1267951.ece

 

"PET's indsats mod de terrormistænkte for planer om at myrde tegner blev unødigt forplumret for befolkningen. Det siger tidligere operativ chef for PET, Hans Jørgen Bonnichsen. ...
...Han mener, at de efterfølgende brande og uroligheder godt kunne have noget med forplumringen at gøre, men gør dog klart, at han ikke kan vide det med sikkerhed." "PET´s/danska víkingarsveitar inngripið í skipulagnir áætlaðra hryðjuverkamanna um að myrða teiknarann var óþarfur ruglingur. Segir fyrrum framkvæmdastjóri PET, Hans Jørgen Bonnichsen. ... 

...Hann álítur, að bæði brunarnir og óeirðirnar sem komu á eftir gætu vel verið útaf ruglingum, en hann undirstrikar að hann viti það ekki með vissu."

Heimild: http://jp.dk/indland/krimi/article1267356.ece

 

 

Mín niðurstaða í málinu er að samkvæmt JP væri þetta bara persónuleg skoðun eldri manns á tréskóm, ekki að ég sjái nokkuð hvað skómál hans komi þessu við. Þetta var það eina sem ég get lesið fram til hjá JP að mbl.is gæti hugsanlega verið að sauma saman hérna, þ.e.a.s. ef mbl.is er ekki bara að sauma eldri fréttir sínar saman. Spurning hvort þeir á mbl.is þurfi að fara í dönskukennslu til að skilja og vitna rétt í heimildirnar sem þeir benda á eða hvað?

En alla vegna samkvæmt öllum fréttaflutningi hérna hvort sem það er á riti eða í sjónvarpi, sem ég hef fylgst með, þá ber bæði gerendum þessa skemmdarverka, löggæsluvaldinu, ráðamönnum og ýmsum öðrum aðilum sem eru að skoða þetta mál til hlýtar, að teikningarnar hafi ekki verið upphafsvaldur þessara óeirða en gæti eflaust talið vera olía á eldinn sem þegar var byrjaður að kynda bálið.

 

Ein getgátan m.a. er að hér sé um að ræða ungmenni innflytjenda fjölskyldna sem eru eirðarlaus á kvöldin og eru jafnvel ósátt við svokallaða ,,visitationszone område" þ.e.a.s. heimsóknarsvæði sem lögreglan er mikið sýnileg á, til að halda uppi lög og reglum. Þetta finnst þessum ungmennum ósangjarnt og lítilsviðra þau og telja að lögreglan sé algjörlega með þau í nálarauganu og þeim sé ekki treyst. En þessum aðgerðum lögreglu er ekki beint frekar að innflytjendum heldur en öðrum hópum danska samfélagsins á þessum svæðum.

 

En samkvæmt TV 2 news fréttastöðinni í morgun þá er hérna um að ræða ungmenni að mestu leyti undir 18 ára aldri, sem virðast ekki vera tengd saman af einhverjum trúarlegum ástæðum. En muslimarnir hér í landi hafa fordæmt þessi skemmdarverk ungmennanna. Og miða við sjónvarpsfréttaflutning sem sýndur var frá föstudagsbæn múslima í Kaupmannahöfn, voru menn þar alls ekki hressir með þessi ungmenni og bentu þeir á að þetta væri alls ekki leiðin til að ná sínum hlutum fram. Þetta myndi vera frekar til að skemma ímynd allra á innflytjendum og hefði ekkert gott í för með sér. Það var bent til þessara ungmenna að gera ekki muslimi að fíflum í Danmörku með þessu háttarlagi, og taka frekar af skarið með umræðum og þátttökum í friðsamlegum mótmælum í staðinn fyrir þetta rugl. 

 

Persónulega er minn grunur að rótum vandans sá að þessir krakkar horfðu upp á hvað dönsku ungmenning gerðu í mótmælum við lokun og niðurrif á ,,Undomshuset"/Ungdómshúsinu og með látum og slíku tókst þeim hóp að fá vilja sínum í gegn, þ.e.a.s. samningaviðræður og loforð frá borgaryfirvöld um nýtt hús, sem er í burðarliðnum núna.

 

Þannig jú er ekki bara málið eins og sagt er ,,börnin læra það sem fyrir þeim er haft" og þar afleiðandi vinna þessi ungmenni núna að reyna að fá vilja sínum fram með óeirðum?

 

Áfram óeirðir í Danmörku

Einn hérna sem heyrðist á dönskum vinnustað...

 Hér er einn brandari sem heyrðist á dönskum vinnustað um það leyti sem SAS var að lenda í vændræðum með lendingarbúnaðinn á Dash 8 flugvélunum sínum, í haust.

,,Eruð þig búin að heyra að Bin-Laden gerði tilboð í allar Dash 8 vélarnar hjá SAS um daginn?
Jú hann þarf náttúrulega ekkert á neinum lendingarbúnaði að halda."

Kímnigáfan eftirsóttust í Danmörku

Nú, bara ársgamalt... það er nú bara nokkuð gott

Já ef kjötið er aðeins ársgamalt þá er það nú bara mjög nýlegt miða við þær kjötbirgðir sem danska kjötlöggan (kød rejseholdet) hefur verið að finna. En þetta byrjaði að mig minnir fyrir tæpum 2 árum síðan að byrjað var að fara meira í eftirlit, eftir að veitingarmaður nokkur gerði viðvart í fjölmiðlum, eftir að vera orðinn lang þreyttur á öllum gömlu matvælnum sem stöðugt var verið að selja honum. Endaði þetta með að yfirvöld fór í það að setja saman eftirlitshóp, sem er vart frásögufærandi, en þessi hópur er búinn að vera í mun færri og stærri málum en búist var við. En tilgátan í upphafi var að um væri að ræða nokkuð smærri mál en raun hefur borið á. Minnir mig að í sumar hafi verið talað um að þessi starfshópur hafi þá búinn að vinna í 8 málum með 148 tonn af gömlu kjöti. Það eru nefnilega til frystilagerar hingað og þangað í landinu sem m.a. hefur fundist heillu tonnin af 10 ára gömlum kjúlklingum ofl. Svo... ársgamalt... það er bara svo til ,,ný" slátrað ;)

Eitt hérna að lokum...  svo er fólk að velta sér upp úr því hvers vegna kjöt er ódýrar í DK en á Íslandi...

Ársgamlar endur í jólamatinn